ڕووەکی هیلۆن

مێژووی و سەرچاوەی ڕووەکی هیلۆن

سەرچاوەکەی وڵاتی ئینگلتەرایە، لە روسیا و پۆڵەندا و  یۆنان زۆرە. لەلای ئەگریک و ڕۆمەکان باو بووە، مێژوونووس (پلینی) باسی کردووە، (گیرارد)ـیش بوونی هیلۆنی بۆ ساڵی ١٥٩٧ دەگەڕێنێتەوە.

پلە و پایەی لە زۆر وڵاتاندا بەرزە و لەلای چینییەکان پیرۆزە گوایە پەیوەندی خۆشەویستی و سۆز زیاتر دەکات بۆیە هەریەکە لقێکی ئەو ڕووەکەیان لەلای خۆیان دادەنا.

لە هیندستانیش ڕەگی ئەو ڕووەکەیان بەکاردەهێنا بۆ زیادکردنی زاوزێ و نەوەنانەوە، هەروەها بۆ کەمکردنەوەی ڕەقبوونی ماسولکە و ئازاری بێ نوێژی و زیادکردنی دەردانی شیر لە ئافرەتدا.

پێکهاتەکەی ڕووەکی هیلۆن

• ئاو ٩٤٪، پڕۆتین، شەکر.
• ڤیتامینی (ئەی، بی ١، بی ٢).
• کانزای پۆتاسیۆم و مەگنیسیۆمی تێدایە.

بەکارهێنانی پزیشکی ڕووەکی هیلۆن

• بۆ زیادکردنی زاوزێ و نەوەنانەوە، هەروەها بۆ کەمکردنەوەی ئازاری بێ نوێژی و زیادکردنی دەردانی شیر لە ئافرەتاندا.
• چالاکی جنسی زیاد دەکات چونکە هۆرمۆنی نێرینەی تێدایە.
• ڕەگەکەی ماددەی (Steroidal glucoside) تیایە کە بۆ هەست و نەستی ئادەمیزاد باشە.
• میزکردن زیاد دەکات و هاوکاری توانەوەی بەردە.
• ڕێژەیەکی زۆر ترشی فۆلیکی تیایە کەواتە بۆ کەم خوێنی باشە بەتایبەتی کاتی دووگیانی.
• هەروەها بۆ جارەسەری ڕۆماتیزم باشە.
• بۆ بەهێزکردنی چاو باشە چونکە ڤیتامین (ئەی) تیایە.

سەرچاوەکان

1. بۆردی نوسەرانی ئینسکلۆپیدیای زانیاری
2. تەندروستی و ژیان